Posted: 05/12/2012 01:18 PM IST

రామ్ చరణ్ - ఉపాసనల వివాహం జూన్ 14 న జరగనుందనే విషయం తెలిసిందే. ఇటు చరణ్ కుటుంబ నేపథ్యాన్నే తీసుకుంటే, బాలీవుడ్ నుంచి మలీవుడ్ వరకూ ప్రముఖ సినీతారలంతా ఈ వేడుకకి హాజరౌతారు. ఇక రాజకీయ రంగానికి సంబంధించి, రాష్ట్ర నాయకుల నుంచి కేంద్ర మంత్రుల వరకూ భారీ స్థాయిలో ఈ వివాహ వేడుకకు హాజరౌతారు. అలానే ఉపాసన కుటుంబ నేపథ్యాన్ని తీసుకుంటే, రాజకీయ పరంగానే కాకుండా, వ్యాపార పరంగానూ వాళ్లకి విపరీతమైన పలుకుబడి వుంది. దాంతో ఆయా రంగాలకి చెందిన పలువురు ప్రముఖులు ఈ వేడుకకి హాజరయ్యే అవకాశం వుంది.   అందువల్ల ఈ వివాహ వేడుకని అంగరంగ వైభవంగా నిర్వహించేందుకు ఇరు కుటుంబాలవారు ఘనంగా ఏర్పాట్లు చేస్తున్నట్టు తెలుస్తోంది. ఇందుకోసం కోట్లాది రూపాయలను గుమ్మరిస్తున్నాట్టు ఇండస్ట్రీలో వార్తలు షికారు చేస్తున్నాయి. హైదరాబాద్ -  హిమాయత్ సాగర్ లోని ఉపాసన వాళ్ల ఫాంహౌస్ లో ఈ వేడుకని నిర్వహించనున్నట్టు చెబుతున్నారు. ఖరీదైన ఈ పెళ్లికి రానున్న వారి కోసం ఇప్పటికే నగరంలోని లగ్జరీ హోటల్స్ ని బుక్ చేసేశారట. ఈ తతంగమంతా చూస్తుంటే చరణ్ పెళ్లి చరిత్రలో నిలిచి పోవడం ఖాయమని అభిమానులు ఆనందంగా చెప్పుకుంటున్నారు.